STREMUNDIAR las palabras
Ye esso – apaixono-me pulas palabras airaçadas
cumo perlas berdadeiras.
Auga doce ó salada: gusto de stremundiar – nas palabras
que tráigan l gusto brabo de l mar ó de l riu.
Salbaiges sálen de la concha cumo se fússen agarradas por nuobo amor - mais bagamundo.
Parece que se sinte l bruar de l riu ó de l mar a roçar ne l peito.
L strelhumbre de las streilhas sal nas perlas.
Alguas son menos purfeitas, squinadas;
mas l´ancanto de l lhugar adonde fúrun ancuntradas
bai a lhuzir por ende – acardito que si
porque salbaiges – las palabras – abrólhan assi
arrolhadas an óndias salbaiges
num arrepelo friu de perla rial
salindo d'andrento de mi.
Teresa Almeida
segunda-feira, 13 de agosto de 2012
Subscrever:
Enviar feedback (Atom)
-
É a saudade que aperta e levou o amigo Ramalho a abrir um portal sem medidas e os amigos de Lagoaça pardais des...
-
L outonho anda an risadas Quaije que se le cáien ls dientes Cumo meligranas burmeilhas De doçura i calor. Por cierto stan ch...
-
ESTRADA NACIONAL 2 – Passeio organizado pelo ACP 31 de Julho a 4 de Agosto de 2023 Julho de 2023 foi o mais quente desde que há regi...
Selvagens, ou não, eu gosto das palavras que saem dentro de ti. Como um mar ou como um rio, mas sempre inspiradas.
ResponderEliminarAcho que percebi quase todas as palavras e gostei muito do teu poema.
Querida Teresa, bom domingo e boa semana.
Beijo.