Assomadeiros Resbalinos

Ardo ne l deseio de bolar,

inda que saba q´hai assomadeiros resbalinos,

altas faias an que me puoda prender,

i nuobos i retrocidos caminos que l suonho precura

i anque l miu pensar

quede colgado i tembre mirando l peligro,

sien la palabra q´amente

la berdade i l resfuolgo de l miu sentir. 

Tengo ganas de bolar.

Esta paixon ye cumo un riu de querer fondo,

custoso de secar. Chama-se lhéngua mirandesa.

Solo s’astrebe quando se sinte la bertige de la caída,

mas ye ende que l bolo lhieba gusto i plenitude.

Talbeç seia un bolo maternal, buído na calor

i ne ls beisos de la fala

quando inda nun se sabe falar. Cuido you

que quien me dou de mamar, dou-me, tamien,

este deseio, sien frenos, de sbolaciar.

Fago l risco nas alturas,

porcuro fuorça nas alas que la curjidade me dou.

Nun quiero quedar a meicamino,

quiero antrar ne ls sonidos i na guapura deste falar.

La felcidade stá an anteimar.

Mirantes escorregadios

Ardo no desejo de voar,

ainda que saiba que há mirantes escorregadios,

altos penhascos em que possa encalhar,

e até novos e retorcidos caminhos que o sonho procura

e onde o meu pensamento

fica suspenso e treme ao olhar o precipício

sem a palavra que diga

a verdade e o ímpeto do meu sentir.

Tenho fome de voar

por dentro da tua simplicidade e beleza.

Esta paixão é como um rio de querer profundo,

difícil de secar. Chama-se língua mirandesa.

Só se ousa quando se sente a vertigem da queda,

mas é assim que o voo ganha gozo e plenitude.

Talvez seja um voo de colo, bebido no calor

e nos beijos da fala

quando ainda não se sabe falar.

Quem me deu de mamar, deu-me, também,

este desejo, sem freios, de esvoaçar.

Traço o risco nas alturas,

procuro força nas asas que a audácia me deu.

Não quero ficar a meio caminho,

quero entrar na sonoridade e na beleza deste falar.

A felicidade está em ousar.

Teresa Almeida Subtil

(in Rio de Infinitos/Riu d'Anfenitos)

Dia da Língua mirandesa.