Para an tierra medrares
Reguei-te de la fuonte
Para nun te secares
Medreste debrebe
Debrebe floriste
Fuste-te debrebe
Mas siempre beniste
Acubri-te na tierra
Fuorte te faziste
Arranquei-te las yerbas:
Cherinchos, yerbas mouras
Berdulagas, grama
Paridas pula tierra
Tan bien amanhada
Puis nun fáltan yerbas
Na tierra strecada
Arranquei-te las yerbas
Sien te doler nada
Acubri-te an carino
Para te tirar l miedo
An beisos i abraços
Para que nun tritasses
Aperteste ls lhaços
Agarrando la cemba
Puis que naide dará
L que ne l peito nun tenga
Acubri-te an carino
Para que de drento te benga!
Screbido die 26, die de ls anhos de l miu filho mais nuobo, Rui.
