L tou grito

Nien un trinado d'abe a cruzar l cielo me derreterie assi: aquel grito era tou. Tan bibo cumo la frecha de lhuç que se sgueirou pula casa quando abri la puorta de l lhado naciente.

Era la surpresa de la fiesta, l'einocéncia dua ourora pura - la gana de bibir.

Soubo a calor de fogueira an nuite gilada. Tubo l poder debino de remoçar i fazer bibrar las cuordas dua abó cun sede de cantigas: esta fui dua ternura de arrepelar – l tou grito.

Griteste para te scunderes, cumo quien ten priessa de ser ancuntrada. Bolei na tua alegrie cumo se (presa naquel abraço) tubisse ancuntrado la rialidade de l paraíso.

Las tues palabras çpuntában bibrantes - an cachoneira biba, no zeio de me sentires andrento de l tou ouniberso.

Stralhórun foguetes de lhágrimas a rumpéren la suidade.

O teu grito

 Nem um trinado de ave a cruzar o céu me derreteria assim: aquele grito era teu. Tão vivo como o raio de luz que se esgueirou pela casa, quando abri a porta do lado nascente.

Era a surpresa da festa, a inocência duma aurora pura - a vontade de viver.

Soube a calor de fogueira em noite gelada. Teve o poder divino de rejuvenescer e fazer vibrar as cordas de uma avó sedenta de canções: esta foi de uma ternura arrepiante – o teu grito.

Gritaste para te esconderes - como quem tem pressa de ser encontrada. Voei na tua alegria como se (presa naquele abraço) tivesse encontrado a realidade do paraíso.

 As tuas palavras despontaram vibrantes - em cachoeira viva, na vontade de me sentires na cumplicidade do teu universo.

Estalaram foguetes de lágrimas a romperem a saudade.

Teresa Almeida