Eimoçones de l nordeste / Emoções do Nordeste

Eimoçones de l Nordeste

Biba l berano, ls chapéus, ls lhaços, las bandoletes, ls pelos cortados, la naturalidade de la quelor i la lhibardade. I ls castielhos rachados, bandeiras i pendones i ls achados arqueológicos. Ls castros. I ls ribeiros, las fuontes, ls montes, ls poetas, las risas claras i las eimoçones de l Nordeste. Biba l praino, las streilhas, las nubres, las troniadas de bersos i todas las flores, animales i ansetos.
Biba l berano. Biba la música que trais ne l mirar, l Douro quelobreiro a caer de pasmo i a abrir antes de zbandalhar l’einergie chena, "lhuç de Pertual".
Biba la gana de ls pauliteiros i l repicado atroniando ls cielos. Biba l dius q'hai an cada un. Fraldas, einaugas, jabeiras i telares. L cerrobeco, l burel, l picado, las capas d'honra, la catedral, eigreijas, capielhas i semitérios.
Bíban las casas, las canales de teilhas burmeilhas, las caleijas, las squinas, cruzes i cruzeiros. Las puontes i ls arcos.
Bíban las arbles, las selombras i las merendas. Chouriças, butielos, chouriços, queisos, bolhas - doces, sodos, persunto, auga i bino.
Bíban ls turistas, ls picones i las alas multiquelores. L bolo i l'arte.
Biba l'amisade que se derrama a cada passo. I la chama.
Biba l berano, la lhéngua mirandesa, la camaradaige, l çpique, la jolda i la bibraçon de ls festibales.
Biba quien canta, quien beila i quien ama.

Emoções do Nordeste

Viva o verão, os chapéus, os laços, as bandoletes, os cabelos cortados, a naturalidade da cor e a liberdade. E os castelos rachados, bandeiras e pendões e os achados arqueológicos. Os castros. E os ribeiros, as fontes, os montes, os poetas, os risos cristalinos e as emoções do Nordeste. Viva o planalto, as estrelas, as nuvens, as trovoadas de versos e todas as flores, animais e insetos.

Viva o verão. Viva a música que trazes no olhar, o Douro a serpentear e a cair de espanto e a abrir antes de esbanjar energia plena, "luz de Portugal".

Viva a garra dos pauliteiros e o repicado atroando os céus. Viva o deus que há em cada um. Saias, algibeiras e teares. O serrobeco, o burel, o picado, as capas de honra, a catedral, igrejas, capelas e cemitérios.

Vivam as casas, as fiadas de telhas vermelhas, as ruelas, as esquinas, candeeiros, cruzes e cruzeiros. As pontes e os arcos.

Vivam as árvores, as sombras e as merendas. Chouriços, salpicões, queijos, presunto, bolas-doces, sodos, frutas, água e vinho.

Vivam os turistas, os picões e as asas multicores.  O voo e a arte.

Viva a amizade que se derrama a cada passo. E a chama.

Viva o verão, a língua mirandesa, a camaradagem, a disputa e a vibração dos festivais.

Viva quem canta, quem baila e quem ama.

 

Teresa Almeida Subtil